Saturday, 27 September 2008

မြေနီလမ်းကလေး(သို့).....


သူ့ဆီမှာ......
တင့်တယ်မှုတွေမရှိပါဘူး
နူးညံ့တဲ့မြေသင်းရနံ့နဲ့
လေအဝှေ့မှာမျောလွင့်လာတဲ့
ရေတမာရွက်ခြောက်တွေ
တောက်ပမှုကင်းမဲ့စွာ
လှပနေပါတယ်.....။

သူ့ဆီမှာ.......
မာန်မာနတွေမရှိပါဘူး
နွေးထွေးတဲ့အပြုံးတွေနဲ့
၀င်လာသူတိုင်းကို
ရင်းနှီးစွာဆီးကြိုနေပါတယ်.....။



သူ့ဆီမှာ......
ကျောင်းသားကျောင်းသူတိုင်းရဲ့
အမှတ်တရခြေရာလေးတွေ
ရင်ခုန်သံကဗျာလေးတွေ
စီးမျောရှင်သန်နေပါတယ်....။

လမင်းသူ (E P )
(၁၉၉၇နှစ်များမှမော်လမြိုင် GTI ကျောင်းအဝင်မြေနီလမ်းလေးသို့...အမှတ်တရ)

No comments:

Post a Comment