Sunday, 19 June 2011

GTI - THS ကျောင်း​များ ပြန်လည်​ထူထောင်​မည်

GTIGTI(Government Technical Institute) အစိုးရ စက်​မှု​လက်​မှု​သိပ္ပံ​နှင့် THS (Technical High School) အစိုးရ စက်​မှု​လက်​မှု သင်​တန်း ကျောင်း​များ မြန်​မာ့​စက်​မှု လုပ်​ငန်း​များ ဖွံ့ဖြိုး​တိုးတက်​ရေး အတွက် လို​အပ်​သော စက်​မှု​ကျွမ်းကျင် လုပ်သား​များ မွေး​ထုတ်ပေး​နိုင်​ရန် ပြန်လည် တိုး​ချဲ့ ဖွင့်​လှစ်​သွား​မည်​ဖြစ်​ကြော​င်း အမှတ်(၂) စက်​မှု​ဝန်ကြီး​ဌာန ပြည်ထောင်​စု​ဝန်ကြီး ဦး​စိုး​သိန်း​က ပြော​ကြား​သည်။


ခေတ်​မီ​သော စက်​မှု​ထွက်ကုန်​များ ထုတ်​လုပ်​နိုင်​ရန် ကျွမ်းကျင် စက်​မှု​လက်​မှု နည်း​ပညာ​ရှင်​များ​စွာ လို​အပ်​ကြော​င်း၊ မည်​မျှ​ပင် ခေတ်​မီ​သော စက်​ကိရိယာ​များ ရှိ​စေ​ကာ​မူ ကျွမ်းကျင်​လုပ်သား​မ​ရှိ​ဘဲ အရည်အသွေး​မြင့် စက်​မှု​ထုတ်ကုန်​များ​ရ​ရှိ​ရန် ခေတ်​မီ​စက်​ကိရိယာ​နှင့် ကျွမ်းကျင်​လုပ်သား​များ မ​ဖြစ်​မ​နေ လို​အပ်​ကြော​င်း ဦး​စိုး​သိန်း​က ဆို​သည်။

"ကျွမ်းကျင်​လုပ်သား​ရ​ဖို့​အရေးကြီး​တယ်။ တစ်​ချိန်​က စက်​မှု​လက်မှုပညာ​ရှင်​တွေ မွေး​ထုတ်ပေး​တဲ့ GTI, THS တွေ အခိုက်အတန့်​ပျောက်​ကွယ်​သွား​တဲ့​အတွက် ဒါ​တွေ​ကို ပြန်​ဖြည့်တင်း​ဖို့​လို​တယ်။ ဒီ Layer မ​ရှိ​ဘဲ​နဲ့ အားလုံး​အင်​ဂျင်​နီ​ယာ​တွေ​ချည်း​နဲ့​ပဲ အလုပ်​အလုပ်​လို့ မ​ရ​ဘူး။ ဒီ​တော့ အလုပ်​လုပ်​မယ့် Skilled Worker တွေ၊ Skilled Labour တွေ လို​အပ်​တယ်။" ဟု ၎င်း​က ပြော​ကြား​သည်။

အမှတ်(၂) စက်​မှု​ဝန်ကြီး​ဌာန​သည် နိုင်ငံ​တကာ​နည်း​ပညာ​နှင့် အကူအညီ​များ​ရ​ယူ​ပြီး အစိုးရ​စက်​မှု​သင်​သန်း​ကျောင်း ငါး​ခု​ဖွင့်​လှစ်​ထား​ပြီး လာ​မည့်​နှစ်​တွင် သင်​တန်း​ကျောင်း​တစ်​ခု ထပ်မံ​ဖွင့်​လှစ်​မည် ဖြစ်​သည့်​အတွက် စုစုပေါင်း​သင်​တန်း​ခြောက်​ခု​ရှိ​လာ​မည် ဖြစ်​သည်​ဟု ဦး​စိုး​သိန်း​က ဆို​သည်။

၁​၉​၉​၀ ပြည်​နှစ်​တွင် မအူ​ပင်​မြို့​နယ်​တွင် ဖွင့်​လှစ်​ထား​သော GTI ၌ စက်​မှု​ပိုင်း​ဆိုင်​ရာ ဒီပ​လို​မာ​ရ​ယူခဲ့​ပြီး ယခု​အခါ နိုင်ငံ​ခြား​သင်္ဘော​လိုင်း​ကြီး​တစ်​ခု​တွင် စက်​မှု​ပိုင်း​ဆိုင်​ရာ အင်​ဂျင်​နီ​ယာ​ချုပ် အဖြစ်​တာဝန်​ထမ်း​ဆောင်​နေ​သူ မ​ရမ်း​ကုန်း​မြို့​နယ်​နေ အသက် ​၅​၀ နီးပါး​ရှိ သင်္ဘောသား​တစ်​ဦး​က "ဟိုး​အရ​င်​က GTI ကျောင်း​ဆင်း​တွေ​က RIT က BE အင်​ဂျင်​နီ​ယာ​ဘွဲ့​ရ​တွေ​နဲ့​ယှဉ်​လုပ်​နိုင်​တယ်။ စာ​လည်း​တတ်​တယ်၊ လုပ်​လည်း​လုပ်​နိုင်​တယ်။ ပြန်​လုပ်​မယ်​ဆို​ရင် အရ​င်​က အရည်အသွေး​ကို မီ​အောင် ပြန်​လုပ်​နိုင်​ဖို့​လို​ပါ​တယ်။" ဟု သုံးသပ်​ပြော​ကြား​သည်။

Source: The Voice Weekly

(ယခု​တစ်​ပတ်​ထုတ် The Voice Weekly ဂျာနယ်​ပါ သ​တင်း​တစ်​ပုဒ် ဖြစ်​ပါ​တယ်။ ဒီ​သ​တင်း​အပေါ်​မူ​တည်​ပြီး ဖြန့်​ကျက်​စဉ်းစား​နိုင်​ဖို့ အချက်​သုံး​ချက်​ဖြည့်စွက်​ပြော​ချင်​ပါ​တယ်။ ပထမ​အချက်​ကတော့ လာ​မည့် ​၂​၀​၁​၅ မှာ​စတင် အသက်​ဝင်​တော့​မယ့် AFTA ခေါ် အာ​ဆီ​ယံ​လွတ်လပ်​စွာ ကုန်သွယ်​မှု သဘောတူ​ညီ​ချက်​အရ ဖြစ်​ပေါ်လာ​မယ့် အာ​ဆီ​ယံ​ဈေး​ကွက် ယှဉ်​ပြိုင်​မှု၊ ဒုတိယ​အချက်​က ဒီ​ဈေး​ကွက်​အတွင်း​မှာ ယှဉ်​ပြိုင်​နိုင်​ဖို့ လက်​ရှိ​နိုင်ငံ​အတွင်း​မှာ Skilled Worker တွေ နည်းပါး​နေ​တာ​တွေ ဝန်ခံ​လာ​မှု၊ တတိယ​အချက်​ကတော့ ယခင် အစိုးရ နည်း​ပညာ​ဝန်ကြီး​ဌာန အောက်​က ကျောင်း​ဟာ အစိုးရ​သစ် စက်​မှု(၂) ဌာန​အောက်​မှာ​များ ပြောင်းလဲ​ရောက်​ရှိ​သွား​ပြီ​လား ဒါ​မှ​မဟုတ် ကျောင်း​အသစ်​တွေ​လား ဆို​တာ​တွေ​ပါ။ ဒီ​အချက်​တွေ​အပေါ်​မှာ ရှိ​တဲ့ အမြင်​တွေ​တင်ပြ​ဖို့ ဖိတ်​ခေါ်​ပါ​တယ်။)

2 comments:

  1. အင္း ရွင္းေနတာေတြကုိ ရွဳပ္ထားခဲ႔ၿပီး ခု ျပန္ရွင္းၿပီး ျပန္ရွဳပ္ေအာင္လုပ္ေတာ႔မွာလားမသိဘူး...ရွင္းႏုိင္ပါေစဗ်ာ..ေကာင္းတဲ႔ ေျပာင္းလဲမွဳတစ္ခုပဲလုိ ေမ်ာ္လင္႔ပါတယ္..Skill Workers ေတြလည္း တကယ္လုိအပ္ပါတယ္.. အားလုံး သူရဲေကာင္းၾကီးျဖစ္ေနလုိ႔မွ မျဖစ္တာ..

    ReplyDelete
  2. ဟုတ္ပဗ်ာ။ ကိုျမိတ္ညႊန္းတဲ့ ဘီအီးဒီ ေအာင္သိုက္ စကားအတိုင္းပါပဲ။ ကံမေကာင္းတာက ကၽြန္ေတာ္တို ့တေတြအပါအဝင္ မ်ိဳးဆက္သံုးဆက္ေလာက္အထိ ပညာေရးအစမ္းသပ္ခံစနစ္နဲ ့ျဖတ္သန္းလာခဲ့ရတယ္။ ဒါရဲ ့အက်ိဳးဆက္ကေတာ့ လူငယ္ေတြ လမ္းေႀကာင္းေပ်ာက္ျပီး ေဝေဝဝါးဝါးျဖစ္ေစတာပဲ။ ဘာျဖစ္လို ့လည္းဆုိေတာ့ level အလိုက္ အေလးေပးသင္ႀကားတဲ့စနစ္ မဟုတ္ေတာ့လို ့ပဲ။
    အစိုးရစက္မႈသင္တန္းေက်ာင္း(THS) ျပန္ဖြင့္တဲ့အဆင့္ဟာ ျပႆနာမရွိေပမယ့္ GTI ကို ဒီပလိုမာအဆင့္ ပီပီျပင္ျပင္ အနည္းဆံုးသံုးႏွစ္ေျပာင္းျပီး ျပန္ဖြင့္ဖို ့လိုလိမ့္မယ္။ အဆင့္ျမင့္ အင္ဂ်င္နီယာျဖစ္ခ်င္တဲ့သူေတြအတြက္ေတာ့ B.E ဒါမွမဟုတ္ B.Sc(Eng) တန္းသြားတာ အေကာင္းဆံုးလို ့ကၽြန္ေတာ့္အေနနဲ ့ယူဆတယ္ဗ်ာ။

    ReplyDelete